Легендарниот бразилски фудбалер Пеле е преместен на палијативна нега, каде што му се ублажуваат болките и се олеснува отежнатото дишење, јавува бразилскиот „Фолја де Сао Пауло“. Лекарите се одлучиле да ја прекинат хеомотерапијата, затоа што телото на Пеле не реагира повеќе на неа.
Палијативната нега се применува кај пациенти кои боледуваат од неизлечиви болести кои значајно го скратуваат животниот век. Најчесто се користи кај болните од карцином кој е во напреден стадиум.
Пеле во средата беше примен во болница и беше објавено дека ненајавено дошол во болницата и веднаш бил примен, а лекарите наводно утврдиле вода во белите дробови и затајување на срцето.
На Пеле минатата година му беше отстранет тумор на дебелото цревено, но се утврдило дека има метастази и на други делови од телото.
