Големиот шумски пожар што ги зафати Големиот Остров и Мауи на Хаваите е дополнително поттикнат од ураганските ветрови. Пожарот уништи поголем дел од градот Лахаина, туристички и економски центар во кој живеат околу 13.000 луѓе.
Најмалку шест лица загинаа во шумски пожари на Хаваи, изјави градоначалникот на округот Мауи, Ричард Бисен Џуниор, пренесе Си-Ен-Ен.
Во округот Мауи, 12 лица се спасени откако скокнале во океанот за да избегаат од чадот и пожарот, пренесува АП.
Изгореа голем број фарми, илјадници луѓе беа евакуирани.
„Имаме повеќе од 2.100 луѓе во прифатилишта. Во тие засолништа, ви спомнав — и неколку што недостасуваат во смисла дека се во нивните автомобили и не стигнаа до вистинското засолниште“, рече Бисен.
Хавајските власти ги повикуваат луѓето да ги откажат сите патувања во Мауи, бидејќи 1.800 луѓе се веќе блокирани на аеродромот на островот.
Невозможно е да се знае колкава штета предизвикаа шумските пожари на Хаваи бидејќи пламените јазици сè уште горат низ делови од Големиот остров и Мауи, рече Бисен.
Поради чадот беа откажани многу летови, а „заглавените“ патници ноќта ја минаа на аеродромот.
Хаваите се подготвуваа за ураганот Дора, но официјалните лица никогаш не предвидуваа дека тоа ќе доведе до разорни шумски пожари.
