Пејачката Тања Савиќ среќата ја најде во врската со пилотот Муки Бешиќ, а нивната љубов целосно ја исполнува. Тања не ги крие задоволството и среќата, па дури изјави и дека плановите за венчавката се подготвуваат.
– Би сакала прво да го прославам мојот 40-ти роденден, па да се омажам. Дај Боже да биде голема свадба. Ќе видиме дали ќе слетаме со авион, зависи од кој авион, јас се плашам… – открила пејачката во емисијата „Премиера – Викенд специјал“.
Сеќавајќи се на своите почетоци во естрадата, Тања истакнала дека поминала долг пат од трње до ѕвезди.
– Имаше многу предизвици, сопнување, бродоломи… Кога си жив, сешто ти се случува. Пред мене не беше камен на сопнување, туку карпа малку поголема. Морав да ја турнам таа карпа, а ја туркам и денес. Најтешко е човек да се бори со себе. Тоа е она што останува со вас. Ако себеси не се сакате доволно… Човек мора да се дружи со оптимисти – изјавила Тања за „Премиера – Викенд специјал“.
Тања ја воодушеви јавноста со својата чесност и отвореност, истакнувајќи ја важноста од самоприфаќање и борба за сопствената среќа. Нејзиниот пример и животна филозофија инспирира многумина, додека нејзиниот успех во љубовта и на деловен план е вистинска мотивација за сите кои ја следат нејзината кариера.
