Сообраќајот на аеродромот во Берлин ќе биде ограничен до полноќ поради штрајк на вработените во обезбедувањето. Додека слетувањето на авионите ќе биде можно – за тоа ќе одлучуваат поединечни авиокомпании – ниту еден патнички авион нема да може да полета.
Вработените на аеродромот во Берлин штрајкуваат, поради што воздушниот патнички сообраќај во германската престолнина е запрен. Штрајкот започна во 3:30 часот и ќе трае до полноќ, соопшти синдикатот Верди.
Ова е трет голем штрајк на аеродромот во Берлин оваа година. Денеска ниту еден патнички авион нема да може да полета од аеродромот, можни се слетувања, но за тоа ќе одлучат поединечни авиокомпании, изјави портпаролот на аеродромот.
Штрајкот на вработените во обезбедувањето на аеродромот го свика синдикатот Верди, кој преговара со работодавците за надоместоци за ноќна работа и дополнителна плата за викенди и празници.
Тоа е последниот штрајк на еден од германските аеродроми. На крајот на минатата недела штрајкуваше персоналот за безбедност на аеродромите во Дизелдорф, Келн-Бон, Хамбург и Штутгарт.
За време на последниот штрајк на аеродромот во Берлин во средината на март, сите полетувања беа откажани, а сите пристигнувања на комерцијални авиони беа откажани на крајот на јануари. Тогаш на штрајкот им се придружија и вработените во услужниот сектор на аеродромот.
