Маж од американската сојузна држава Масачусетс се обидел да ја отвори вратата на авионот за време на лет на релација Лос Анџелес – Бостон, а потоа со скршена метална лажица се обидел да прободе член на екипажот во вратот, соопшти денеска американското федерално обвинителство.
Франциско Северо Торес (33) е уапсен на аеродромот Логан и обвинет откако наводно се обидел да ја отвори вратата за итни случаи на авион на Јунајтед ерлајнс на сред лет и нападнал стјуардеса на летот Лос Анџелес-Бостон, јавува денеска Би-би-си.
Летот на „Јунајтед ерлајнс“ бил помалку од еден час од слетувањето кога екипажот на пилотската кабина видел предупредување дека вратите се „деактивирани“.
Стјуардесата била замолена да провери што се случува и открила дека рачката на бравата на вратата била поместена од целосно заклучената положба и дека лизгачот за итни случаи бил деактивиран.
Екипажот на кабината брзо се посомневал дека Торес ја поместил кваката, бидејќи претходно бил виден како оди покрај вратата.
По конфронтацијата со стјуардесата било кажано дека патникот „претставува закана за леталото и дека капетанот мора што поскоро да го приземји авионот“.
Набргу потоа, Торес станал од своето место и тргнал кон стјуардесите и се нафрлил на едната со скршена метална лажица, удирајќи ја три пати во вратот.
Според Си-Би-Ес, Торес на полицијата и рекол дека мислел дека стјуардесата ќе го убие.
Министерството за правда соопшти дека попречувањето и обидот за попречување на членовите на екипажот и пилотите на авионот со употреба на опасно оружје се казнува со условна казна од пет години и парична казна до 250.000 долари, до доживотен затвор.
Фото: Flickr.com
