„Груби на црната листа е доказ дека борбата на ДУИ е само за моќ врз институциите за да работат за нивно богатење“.
Ова го изјави на прес-конференција пратеникот на партијата ВМРО-ДПМНЕ, Миле Лефков.
– Артан Груби земал мито за да влијае на судски процес. Артан Груби влијаел врз судски процес и затоа земал пари, тоа го кажува објаснувањето на Американскиот Стејт департмент за неговото ставање на црната листа. Борбата на Груби и на ДУИ за власт е борба за контрола на судството – изјави Лефков.
Груби ја користел позицијата на вицепремиер и на висок функционер на ДУИ, вели пратеникот, за да се богати од мито и од корупција.
– Груби не е сам, таквото делување е систем на работа на ДУИ и на СДСМ. И двете партии, кога се борат за власт, всушност се борат за да можат преку криминални активности да ги полнат своите џебови со милиони. Кога СДСМ и ДУИ зборуваат за демократија, за Европа, за зелени агенди, всушност само бараат нова маска да го замаскираат криминалното работење – додаде тој.
И СДСМ и ДУИ се разоткриени, а одговорност мора да има, потенцира Лефков.
– Јавното обвинителство да почне да работи, поголем доказ дека Артан Груби е криминалец од црната листа на САД нема – заклучи пратеникот на ВМРО-ДПМНЕ.
