Парис Хилтон го раскажа искуството што го имала со поранешниот холивудски продуцент, сега осуден силувач Харви Вајнстин.
Во интервју за американското списание „Гламур“, таа се присети на една случка на Филмскиот фестивал во Кан во 2000 година, кога имала 19 години.
„Бев на ручек со мојот пријател и тој дојде на масата и ме праша дали сакам да бидам актерка, на што одговорив дека навистина сакам. Во тоа време сè уште бев тинејџерка, па бев импресионирана од него. Потоа објасни дека би требало да имаме состанок и да дојдам во неговата соба и да ги читам сценаријата. Јас едноставно не сакав, не отидов“, се присети 42-годишната наследничка на синџирот хотели „Хилтон“.
„Отидов во тоалет, а тој ме следеше викајќи по мене: „Сакаш да бидеш ѕвезда?!?“ Се обиде да ја отвори вратата, удираше по вратата, јас не сакав да ја отворам. Дојде обезбедувањето и буквално го одведе, а тој протестираше велејќи: „Ова е мојата забава!“ полуде. Тоа ме преплаши“, додала Хилтон.
Од друга страна, менаџерот на Вајнстин ја демантираше нејзината приказна за британскиот весник „Индепендент“.
„Харви ми рече дека ова никогаш не се случило. Тој никогаш не и викал и никогаш не ја следел наоколу. Тој секогаш се однесувал со Парис Хилтон со најголема почит и љубезност и секогаш верувал дека тие имаат срдечен однос. Тој рече дека таа, за жал, се обидува да влезете во актуениот нов циклус користејќи го неговото име со уште една „креативна приказна“. Штета што е премногу погодно и наизглед популарно само да се каже без никакви докази и само е пренесено како клеветата да не е повеќе важна. Харви има намера да поднесе тужба за клевета“, рекол тој.
