Пад на температурите и променливо облачно и нестабилно време со пороен дожд, грмежи и засилен ветер, најавуваат метереолозите за денеска.
Локално во попладневните часови процесите ќе бидат поинтензивни во форма на невреме со пообилен пороен дожд за кратко време, поинтензивни електрични празнења, силен ветер и појава на град. Дневната температура ќе се намали за пет до осум степени и ќе се движи во интервал од 22 до 33 степени. УВ факторот ќе биде 6 – информираат од УХМР.
Во Скопје времето ќе биде променливо облачно, од пладне нестабилно со пороен дожд, грмежи и засилен ветер. Во делови од котлината ќе има поинтензивни процеси во форма на невреме. Температурата ќе достигне до 31 степен.
