Традиционалната листа на TC Candler и Independent критичари секоја година го избира најубавото лице. Вакви списоци почнале да создаваат во 1990 година, а многумина тврдат дека тоа е „најразновидниот избор на убавици“, па на него често се среќаваат сосема непознати имиња.
Еден од нив го освои првото место оваа година. Титулата најубаво лице за 2023 година ја понесе корејско-американската пејачка Ненси Џевел Мекдони. Ненси има 23 години и беше најмладата членка на К-поп групата Момоленд, која се распадна во февруари оваа година. После тоа, таа ја продолжи својата соло кариера, пренесува Индекс.
На второ место се најде руската инфлуенсерка Даша Таран, а на трето корејско-јапонската пејачка Сана Минатозаки. Многу попознатата израелска актерка Гал Гадот го зазеде четвртото место. Во 2004 година, кога наполни 18 години, стана Мис Израел. После тоа, отслужи две години задолжителен воен рок во израелската армија и истовремено изгради кариера како актерка и модел. Најпозната е по улогата на Дајана Принс во филмот Wonder Woman.
Јасмин Тукс беше прва минатата година, а сега е петта
Минатогодишната победничка на оваа листа, Јасмин Тоукс, оваа година заврши на петтото место. На шестото место се најде раперот Ситала од Тајланд. Таа е поранешен член на групата H1-KEY. На седмото место е Елин Сулиман, ТВ водителка и модел од Саудиска Арабија. Канадската шахистка и диџеј Андреа Ботез е на осмото место, додека јужнокорејската пејачка и актерка Ким Џи-су, членка на групата девојки Blackpink е на деветтото место. Австралиската пејачка Савана Кларк е на десеттото место.
Добитник на најубавото лице во 2020 година беше израелската актерка Јаел Шелбија, која оваа година заврши на 13-то место. Американската актерка Сиднеј Свини е на 25 место. Сиднеј е ѕвезда на спотот за новиот сингл Angry на Rolling Stones. Таа е една од најжешките актерки на денешницата, а неодамна призна дека за малку ќе отишла „под нож“ како тинејџерка бидејќи сакала да ги намали градите.
Убавата Маргот Роби е на 90. место
Аријана Гранде е на 79. место. Британската актерка Ема Вотсон го зазеде 83-то место, додека на 90-то место на листата е австралиската актерка Маргот Роби.
Роби е една од најталентираните актерки на нејзината генерација. Таа глумеше во бројни холивудски блокбастери и покрај големите актерски (и режисерски) имиња како Леонардо ди Каприо, Бред Пит, Квентин Тарантино, Грета Гервинг. Таа глумеше и во овогодинешниот голем летен хит Барби. Маргот, наводно, добила плата од 50 милиони долари за тој филм, со бонуси на благајните. Таа е во брак со филмскиот продуцент Том Акерли.
