Државниот инспекторат во Хрватска повлече од продажба паштети од познатиот словенечки производител Перутнина Птуј. Причината за повлекувањето е присуство на неозначена соја во производот, објави Хрватската агенција за земјоделство и храна (ХАПИХ).
Паштета од пилешки џигер 100 гр која се повлекува од пазарот има ЛОТ: 12024908811 Производител на паштета од пилешки џигер е Perutnina Ptuj d.d. од Птуј, Словенија.
Со оглед на тоа што алергенот од соја не е означен на производот, производот може да претставува ризик по здравјето на потрошувачите кои се чувствителни на него, додека луѓето кои не се алергични сè уште можат да го користат без ограничувања, укажува хрватската Агенција.
Производот не е во согласност со Регулативата на ЕУ за утврдување на општите принципи и услови на законот за храна, воспоставување процедури во областа на безбедноста на храната и обезбедување информации за храната.
Реагирајќи на одлуката на Агенцијата за храна, производителот ги повика потрошувачите да го вратат производот – Паштета од пилешки црн дроб, 100 g со рок на траење од 24.10.2023 година и соодветниот ЛОТ, во продавницата каде што го купиле.
Паштетите на Перутнина Птуј се продаваат и во Македонија, но засега нема информации дали паштети од истиот тип пристигнале и во нашите продавници и дали евентуално ќе бидат повлечени.
