Смоквите многумина ги нарекуваат природни слатки бидејќи се исклучително богати со шеќер, но и со голем број хранливи материи. Тие содржат протеини, калциум, витамин К, калиум, железо и магнезиум.Интересно е што смоквите не се ниту овошје ниту зеленчук, што ретко кој го знае. Всушност, тие се „превртени цвеќиња“. Тие не цветаат со убави отворени цветови како јаболка или праски, на пример, но нивниот цвет е во мешунка во облик на круша која подоцна созрева во овошје што го јадеме.
Во сезоната, смоквите остануваат свежи само десет дена по берењето, но затоа ги има во текот на целата година во сушена состојба. Поради шеќерот треба да се ограничи нивната консумација, но останатите состојки се корисни за целиот организам.
Смоквите се препорачуваат за сите кои имаат дигестивни проблеми бидејќи делуваат како природен лаксатив. Високата содржина на влакна ги прави идеални за здравјето на цревата. Лекарите ги препорачуваат како вид на пробиотик, храна за корисните бактерии во нашиот стомак.
Треба да ги јадат и сите кои сакаат да ја зачуваат густината на коските. Како што старееме, промените во телото доведуваат до поголема апсорпција на калциум од нив, па затоа треба да јадеме храна која го има во изобилство.
Благодарение на значителната количина на калиум, сувите смокви се добра помош за регулација на крвниот притисок. Ова го штити телото од срцев и мозочен удар како и од атеросклероза, сериозна и најчеста болест на артериите.
Конечно, важно е да се знае дека со оглед на количината на витамин К во смоквите, пациентите кои земаат лекови за разредување на крвта треба да проверат кај својот лекар дали треба целосно да се избегнуваат или дали можат да земат барем помала количина.
