Славната актерка Марго Роби има добра причина за славење! Австралиското издание на магазинот „Максим“ ја објави својата годишна листа Хот 100 за 2022 година, на која се најуспешните и најубавите жени во индустријата за забава, спорт и поп култура. На врвот на нивната листа се најде 32-годишната актерка, чија холивудска кариера продолжува по нагорна патека во пресрет на излегувањето на најновиот филм „Вавилон“.
Ова е рекорден, третпат Роби да се најде на врвот на „жешките 100“. На второто место е фудбалерката Сем Кер, а трета е Еш Барти. На овој список се најде и поранешниот рагбист Даниел Лејдли, кој го смени полот од машко во женско во 2020 година, но и политичарките Пени Вонг и Анастасија Палашчук.
Марго Роби неодамна стана и најплатена глумица во Холивуд за годинава, благодарение на филмот „Барби“ во режија на Грета Гервиг, во којшто глуми покрај Рајан Гослинг како Кен. Според „Варајети“ (Variety), на австралиската актерка ѝ биле исплатени 12,5 милиони долари за овој филм.
ФОТО: Инстаграм
