Голманот на Турција, Мерт Ѓунок, со одбраната во 90+4 минута против Австрија стана спортски херој на својата земја. Турција водеше со 2:1 кога Австрија го имаше последниот напад.
Баумгартнер со глава шутураше од непосредна близина, а компјутерските пресметки проценија дека голманот имал само шест отсто шанси да го одбрани тој удар. Сепак, Ѓунок покажа дека и тие шест отсто му се доволни затоа што на фантастичен начин со магичен рефлекс го спаси својот гол и на крајот ѝ донесе победа на Турција и пласман во четвртфиналето.
