Икањето може да биде доста исцрпувачко и досадно искуство, но може да има едноставен начин да го спречите.
Икањето може да биде доста досадно, особено кога трае долго и не можете да го спречите. Но, постои можност одредени видови овошје да ви помогнат да го запрете икањето, пишува Fox News.
Кардиохирургот Џереми Лондон од американската сојузна држава Џорџија често споделува здравствени совети на социјалните мрежи, а неодамна презентираше интересен метод како да се запре икањето. „Ако ставите сок од лимон или лимета во задниот дел на грлото, брзо ќе престане икањето“, вели тој во видеото.
Лондон, кој има речиси 400.000 следбеници на TikTok, признава дека не ја знаеме точната причина за ефективноста на сокот од лимон, но нуди некои можни објаснувања. Една опција е да се стимулира вагусниот нерв, кој се протега од мозокот до дијафрагмата. „Пиењето сок од лимон може да ги „ресетира“ сензорните сигнали од дијафрагмата, што помага да се запре икањето“, вели Лондон.
Друга теорија е дека сокот од лимон ги активира мускулите во задниот дел на грлото или хранопроводникот, а трета е дека ненадејната промена на вкусот влијае на одговорот на грлото. Друго можно објаснување е дека тоа е плацебо ефект, бидејќи едноставно го одвлекува вниманието од икањето.
Корисниците на TikTok му се заблагодарија на Лондон за корисниот совет и ги споделија со него своите методи. Еден корисник сугерираше дека покривањето на носот и ушите додека пие вода е ефикасно, додека други изразија олеснување што конечно нашле решение за проблемот што ги мачеше со години. Цел живот ја барав оваа информација“, напиша еден од коментарите.
Според Клиниката во Кливленд, икањето се дефинира како ненадеен спазам на дијафрагмата, абдоминалниот ѕид, кој почнува да се собира ненамерно и отсечено. Ова предизвикува рефлекс во мускулите на грлото за затворање на душникот помалку од десетина од секундата подоцна. Затворањето на душникот и отворањето на гласните жици кога вдишениот воздух ќе стигне до нив резултира со карактеристичен звук, икање.
Икањето често се активира со јадење зачинета храна, газирани пијалоци, прекумерно голтање воздух, пушење или пиење алкохол.
