Светскиот супермодел Татјана Патиц почина по борбата со ракот на дојката, потврди за „Пипл“ нејзината агентка Корин Николас. Татјана почина на 57-годишна возраст.
„Таа зад себе ги остави синот, сестрата и родителите. Сите сме уништени. Таа беше сочувствителна, љубезна и дарежлива и жестока застапничка за правата на животните. Една од главните цели што ги поддржуваше беше зачувувањето на дивите коњи“, стои во изјавата агентката за пишува американскиот магазин.
Таа беше една од петте „оригинални супермодели“. Заедно со Наоми Кемпбел, Синди Крафорд, Кристи Тарлингтон и Линда Евангелиста, таа ја одбележа модната сцена од 1990-тите, но и целата историја на модата.
Убавицата родена во Хамбург беше најпозната по нејзината работа со „Вог“, како и нејзината улога во спотот „Freedom“ на Џорџ Мајкл од 1990 година, во кој таа се појави со остатокот од славната петорка супермодели.
„Татјана отсекогаш беше европски симбол на шик, како комбинација на Роми Шнајдер и Моника Вити. Таа беше далеку помалку видлива од нејзините врснчки – помистериозна, повозрасна, понедостижна – и тоа имаше своја привлечност“, се сеќава Ана Винтур, директорка за содржина во Condé Nast и глобален уреднички директор на „Вог“.
