Денеска се навршуваат осум години откако транспортниот хеликоптер Ми-17 на Војската на Србија се урна во близина на Белград, при што загинаа седум лица.
Хеликоптерот се урнал на 13 март 2015 година на поширокото подрачје на аеродромот „Никола Тесла“ во Сурчин, на враќање од Рашка, каде превезувал бебе опасно по живот од Нови Пазар.
Загинаа пилотот мајор Омер Мехиќ, пилотот капетан Милован Ѓукариќ, заповедникот Небојша Трајиќ, летечкиот механичар Иван Миладиновиќ, лекарот Џевад Љајиќ, анестезиологот Мирослав Веселиновиќ и едно бебе од семејството Адемовиќ.
Во јавноста се расправаше зошто хеликоптерот, и покрај сложените метеоролошки услови, се обидел да слета на цивилниот аеродром во Батајница или на хелиодромот во близина на Воено-медицинската академија во Бањица, како и кој решил да лета за Белград, а не за Крагуевац, Ниш или Краљево. .
Вишото јавно обвинителство во Белград, петнаесет месеци по падот, соопшти дека нема да биде поведена кривична постапка против лицата кои учествувале во подготовката и извршувањето на задачата.
Како што соопштија од Обвинителството, Комисијата за основна истрага за несреќата и Комисијата за истражување на вонредниот настан не утврдиле дека делото е извршено од небрежност или со умисла.
Во предистражната постапка е утврдено дека има пропусти во командниот синџир, но дека тие немаат кривично-правна тежина, туку евентуално дисциплинска.
Колегите во воздухопловството денеска ќе одбележат осум години од смртта на екипажот на воениот хеликоптер.
