50-годишниот маж, кој е осомничен дека го управувал службениот автомобил со кој на 26 март во Бањско поле беше удрена Данка Илиќ (2), а кој како и другиот осомничен (50) е во притвор до 30 дена, досега во Вишото јавно обвинителство во Зајечар го бранеше со молчење.
Меѓутоа, како што се дознава, сега дошло до промена во неговото размислување и разумно се очекува наместо да молчи, сè да им каже на надлежните.
– Тој му го откажа полномошното на својот адвокат бидејќи не сака повеќе да го брани. Очигледно е дека е незадоволен од неговите совети и начинот на кој се брани пред надлежните. Осомничениот побарал да му се определи адвокат по службена должност. Ова не изненади бидејќи ретко се случува на сред рочиште осомничениот да побара смена на адвокат – велат од обвинителството.
– Понатамошната постапка е таква што следува разговор на новиот адвокат со осомничениот. Со оглед на текот на рочиштето, апсолутно секој адвокат ќе го советува да престане да се брани со молчење затоа што е подобро осомничениот самиот да каже сѐ што знае. Имајќи предвид дека второосомничениот признал дека лично го задавил девојчето со голи раце, со тоа автоматски се расчистил сомнежот дека тој е директниот убиец. Тогаш, да беше задоволен со одбраната на молкот, сигурно немаше да го отпушти својот адвокат. Убедени сме дека прашање на време е кога осомничениот доброволно ќе ја изнесе својата одбрана во обвинителството. Се надеваме дека има можност да се дознае каде е телото на малата Данка – посочуваат неофицијално од надлежните.
Доколку се оствари предвидувањето на обвинителството, се очекуваат нови моменти во истрагата откако тој ќе ја каже својата верзија за настаните од тој кобен ден.
Да потсетиме, родителите на убиеното девојче беа сослушани како сведоци во Вишото јавно обвинителство во Заечар. Тие дадоа исказ во присуство на двајцата обвинети. Сведочењето на родителите беше потресно, таткото и мајката плачеа.
Данка Илиќ (2) исчезнала на 26 март во Бањско поле, каде со мајка ѝ и постариот брат дошла од Бор.
