Основачот на руската платеничка група Вагнер, Евгениј Пригожин, во понеделникот објави видео од себе во пилотската кабина на воен авион, предизвикувајќи го украинскиот претседател Володимир Зеленски на воздушен дуел.Видеото го објави прес-службата на Пригожин, а се наведува дека е снимено во бомбардер Су-24 пилотиран од Вагнер.
Тоа е последното во серијата видеа и изјави со кои Пригожин се обидува да се промовира себеси и својата приватна армија како водач на руските воени операции во источна Украина.
„Володимир Олександрович (Зеленски), слетавме. Го бомбардиравме Бахмут“, вели Пригожин во краткото видео.
„Утре ќе летам со МиГ-29. Ако сакаш, ќе се сретнеме во рајот. Ако победите, ќе го земете Артјомовск (Бамут), а ако не, ќе напредуваме до реките Днепар“, додаде тој.
Пригожин дури во септември минатата година призна дека е основач на групацијата Вагнер, која со години е активна на Блискиот Исток и Африка.
Оттогаш, тој е многу повидлив во очите на јавноста, критикувајќи ги неуспесите на руските сили во Украина и барајќи на Вагнер да му се даде поголемо признание за неговата улога во војната.
Соединетите Држави минатиот месец објавија нови санкции против Вагнер, опишувајќи ја паравоената група како транснационална терористичка организација.
Вашингтон проценува дека Вагнер распоредил 50.000 луѓе во Украина, од кои 10.000 се платеници и 40.000 затвореници регрутирани во руските затвори.
