Оризопроизводителите од кочанско тврдат дека ориз увезен од Индија, Пакистан и земјите од далечниот Исток се пакува со декларација „кочански“ и се продава во маркетите со што се руши квалитетот на домашниот ориз.
Тие бараат институциите да реагираат и да го заштитат домашниот бенд.
– Имаше многу увезен ориз оваа година, кој се брендира како кочански. Бараме инспекторатот да излезе на терен и да го провери квалитетот, па ако не е кочански, да се продава по онаа марка како што е увезена, дали индиски, пакистански, не знаеме, меѓутоа како кочански да не се декларира, бидејќи се уништува нашиот, кочанскиот ориз, а се знае дека тој е бренд и е најквалитетен – изјави Тони Максимов, оризопроизводител од Облешево за ТВ Сител.
