„Војната во Украина се покажа побрутална и безмилосна отколку што изгледаше на почетокот, а човечкиот род никогаш не бил поблиску до Третата светска војна“, изјави унгарскиот премиер Виктор Орбан.
„Пред една година сите се надевавме дека вооружениот конфликт во Украина нема да се претвори во вистинска војна, но тоа се случи на крајот“, изјави Орбан за радио станицата „Кошут“.
Тој изрази загриженост дека некои членки на ЕУ и НАТО кои ја поддржуваа Украина би можеле да испратат војска во таа земја, пренесе ТАСС.
„Никогаш не сме биле поблиску до тоа локален конфликт да се претвори во светска војна“, предупреди Орбан.
