СДСМ не може да се помири со фактот дека почнува најголемата градежна офанзива низ општините, реагираше ВМРО-ДПМНЕ преку соопштение.
„100 милиони евра пари од буџетот ќе бидат дадени за проекти на општините ширум државата. Тоа се средства кои со години некои општини не ги виделе и не можеле да реализираат голем број проекти кои се потребни. Ова е само почеток. Секоја година на општините ќе им бидат достапни 250 милиони евра пари од буџетот за реализација на капитални проекти. Целта на Владата е Македонија да се развива рамномерно, забрзано и силно. Ако СДСМ не верува во проектот, тогаш зошто градоначалниците од нивната партија поднеле документација? Лицемерни се од СДСМ, од една страна да го напаѓаат проектот, од друга први да аплицираат“, се вели во соопштението на ВМРО-ДПМНЕ.
