Министерот за здравство Илир Демири одговори за хаваријата на Хируршките клиники во комплексот „Мајка Тереза“ каде операционите сали се затворени една недела и пациентите не се оперираат.
“ Салите на клинички се градени пред 30 години и инсталацијата за снабдување со кислород е е стара 30 години. Пред месец дена денешен имаше хаварија во компресорската станица кога се расипа еден од компресорите и доведе до оштетување, влегување на уље во тие цевки, по што тој компресор е исклучен од функција. Беа 3 компресори, почна клиниката да функционира со 2 компресори, ги издувавме комплетно цевките, поминаа технички преглед од две независни институции“, вели Демири.
„ Ги чистевме цевките, но за поголема безбедност мораше да се сервисираат и да се исклучи системот. Побарав итно од менаџерите да поднесат барање и да се сервисираат истите компресори, но пред 9 дена се случи ист проблем. Без да има хаварија се појави лоша миризба, веднаш реагиравме и ангажиравме надворешни фирми. Фирмите Пегаз и Трегер ги повикавме да испитаат. Бидејќи во Македонија нема лиценцирана лабораторија која може да даде дозвола или уверение кое ќе послужи за квалитетот за испорачаните гасови, побаравме од странска компанија и денес се испратени мостри во Германија. Од двете независни компании со лаборатории не виделе никаков недостаток во квалитетот на гасови и препорачаа да се менуваат филтрите од компресорките станици. “ потенцираше Демири.
Тој информира дека дополнително набавени се шест надворешни компресори кои може да послужат за итните случаи и за Карил, за да се сигурни дека добиваат квалитетен воздух.
„ Со тие компресори, кога се тие вклучени, нема миризба, а со вградените компресори миризбата ја има и за нас тоа е необјасниво. Немаме информација зошто ја има миризбата кога нема проблем. Чекаме испитувањата од Германија да стасаат и дотогаш ќе се функционира вака. “, вели Демири.
Министерството за здравство до Јавното обвинителство испратиле и допис во кој бараат обвинител да постапи и да утврди дали има елементи на кривично дело во врска со тоа што салите не работат. Јавен обвинител ќе ја испитува ситуацијата и веќе сослушан е претставник на Министерстовтото за здравство, а потоа ќе бидат повикувни и директори на клиниките.
Затворањето на хируршките сали предизвика огромни гужви во ГОБ „8 Септември“ и во болницата „Св. Наум Охридски“ позната како стара градска болница, каде се вршат сите итни операции за сметка на што полесните чекаат.
