Околу 110.000 луѓе го напуштија градот Рафах под закана од големи израелски напади, соопштија претставници на ОН.
Жителите на Рафа се упатија кон областите кои се сметаат за помалку опасни во Појасот Газа. „Околу 30.000 луѓе го напуштаат градот секој ден“, рече шефот на Канцеларијата на ОН за хуманитарни прашања (OCHA) за Газа, Георгиос Петропулос.
Тој додаде дека „повеќето од овие луѓе морале да се преселат пет или шест пати“ од почетокот на војната меѓу Израел и Хамас во октомври минатата година.
Денеска израелските сили ги интензивираа нападите во Појасот Газа, додека двете страни ги оставија без договор преговорите во Каиро за постигнување примирје и спречување на израелската офанзива на Рафах.
