Штипскиот Центар за управување си кризи утрово излезе со вонредна информација дека пожарникарите од Штип веќе се тргнати кон село Драгоево, каде пожарот повторно се разгоре.
„Пожарот кој избувна вчера помеѓу Штипскиот затвор и село Драгоево кој беше ноќеска локализиран и ставен под контрола, во 08.30 часот повторно се активира и се шири кон село Драгоево. ТППЕ- Штип веќе се тргнати кон местото на настанот, како и екипа од полиција. Состојбата се следи, повеќе информации подоцна“, информираат од ЦУК.
Огнените јазици им се закануваат на повеќе штипски села.
