Германецот Марко Роуз, поранешниот тренер на Борусија Дортмунд, ќе го замени Доменико Тедеско на клупата на германскиот прволигаш Лајпциг, објави Бундеслигата на својата официјална веб-страница.
Роуз (45) потпиша договор со Лајпциг до 2024 година, објави клубот на Твитер.
Лајпциг во средата ја прекина соработката со германско-италијанскиот тренер Доменико Тедеско по домашен пораз во Лигата на шампионите против Шахтјор Доњецк (1-4).
Марко Роуз, поранешен дефанзивец, исто така беше тренер на Ред Бул Салцбург, австриски клуб кој, како Лајпциг, припаѓа на групата Ред Бул, и германските клубови Борусија Менхенгладбах (2019-2021) и Борусија Дортмунд (2021-2022).
Лајпциг, кој моментално е 11-ти во германската лига, сега има напорен распоред со претстојните натпревари против поранешните клубови на Роуз, М’Гладбах и Дортмунд и гостувањето против Реал Мадрид следната среда.
