Варената пченка чини 1,50 евра, како и три топки сладолед, додека цената на една топка е 80 центи.
Откако многу странски и домашни туристи се пожалија на високите цени на хрватското приморје годинава, српските медиуми ги открија цените во најприфатливото летувалиште во Црна Гора.
Нова.рс пишува дека цените во Сутоморе се пониски отколку во Белград. На некои места може да се изеде комплетен ручек или вечера за 10,50 евра, што вклучува чаша вино или дневно мени како мусака или ќофтиња за шест евра. Цените на пиците се движат од 4,50 до 14 евра, а кога се во прашање специјалитетите од морска храна, цените се следни: рибна супа чини 3,90 евра, школки на бузар 7,90, шпагети со морски плодови 9,90, платика со далматинска чорба 12 и лигњи 12,90 евра.
Парче пица, бурек, сендвич или хот дог ќе ве чини две евра. Цената на хамбургерот е три евра, а ќе платите четири евра за пилешко филе, колбас, батак или пет ќебапи.
Варената пченка чини 1,50 евра, како и три топки сладолед, додека цената на една топка е 80 центи. Палачинка може да се јаде од 1,5 до 2,5 евра, а понекогаш доаѓа и со бесплатен сок, пишува Нова.рс.
Шише вода во Сутомор чини 50 центи, сок 90 центи, пиво 80 центи, додека кафето е евро и пол. Коктелот може да се пие по цена од 5,80 до 7,80 евра.
Кога станува збор за лежалки на плажите, комплетни со чадор, една чини 20 евра.
