ВМРО-ДПМНЕ и денеска реагира на однесувањето на премиерот Димитар Ковачевски во врска со скандалот што го направи претседателот на собрнаието Талат Џафери.
„Ако падне Талат Џафери паѓа владата, затоа Димитар Ковачевски прави будала од себе и не смее да го осуди дивеењето во собрание. Ковачевски е толку уплашен од Џафери што вчера мораше да гледа и фудбал со него, само за да покаже пред јавноста дека стои зад Џафери, и да го понесе срамот врз себе. До кога Ковачевски ќе продолжи да прави будала од себе за да не му излезе ДУИ од влада? Сите го слушнаа Талат Џафери како пцуе вработени во собранието и врши мобинг врз нив, само Ковачевски едвај чека јавноста да заборава на случајот, за да не мора да го осуди Џафери и да не му се налути ДУИ.
Ковачевски само за да остане на власт е спремен да премолчи се, па дури и малтретирањето на вработените во собранието од страна на Џафери“, наведува во реакцијата ВМРО-ДПМНЕ.
Оттаму додаваат дека лидерот на СДСМ е подготвен на се да ја задржи фотелјата.
„Па дури и да се слика со примитивецот од Форино, додека цела јавност се згрозува, само да поседи уште некој ден во фотелјата во влада.Ковачевски е срам за државата исто колку и Џафери, затоа што за власт е спремен да жртвува десетина човечки судбини и да ги остави луѓето да бидат шиканирани од Џафери“, се вели во реакцијата.
