Oпозициската ВМРО-ДПМНЕ одговори на обвинувањата на ДУИ дека наводно поттикнувале изјави за војна против Албанците. Од ВМРО-ДПМНЕ велат дека завршило времето кога ДУИ можела да се заканува со војни, дека од партијата треба да одговараат затоа што се криминалци, а не затоа што се Албанци. Во реакцијата тие ги нарекоа ДУИ и Артан Груби „најголемиот сатрап на Албанците во Македонија“ бидејќи „тие се богатат, а обичниот народ се иселува“.
Еве што напишаа од ВМРО-ДПМНЕ:
„Времето кога ДУИ можеше да се заканува со војна заврши, сега е време кога ќе треба да одговараат за криминалот кој го правеле и да завршат во затвор, не затоа што се Албанци, туку криминалци.
Груби наместо да ги окупира партиските меилови за праќање на соопштенија за одбрана на неговиот криминал, да каже како неговиот брат се стекнал со дуќан од половина милион евра сред Скопје, а неговата фирма со години е во загуба?
Груби да намали со хистеријата која ја шири и да одговори на прашањето како шалтерски работник на брат му добива акредитација за лабораторија за баждарење на инструментите за точење нафтени деривати и течен нафтен гас на бензинските?
Груби и ДУИ се најголемиот сатрап на Албанците во Македонија, додека тие се богатат обичниот народ се иселува.
Ја разбираме нервозата кај Груби и ДУИ, а таа е предизвикана од фактот што по изборите тие ќе треба да се соочат со нова реалност, да заминат во опозиција.
Груби и ДУИ се нервозни зошто нема да можат да продолжат со криминалот“.
