Се’ што треба власта да направи е да престане безочно да ги лаже граѓаните и да ги прифати предлозите на пратеничката група на ВМРО-ДПМНЕ и коалицијата за намалување на акцизите на горивата за 50% и намалување на ДДВ-то на сите производи за исхрана од 5% на 0%.
– Кога во Република Македонија имаме четири кризни состојби, дополнителна инфлациска криза во најава и зголемување на цените на речиси на сите услуги и производи, одбивањето на нашите предлози претставува класичен грабеж и дрско игнорирање на барањата на граѓаните и стопанството – вели координаторот на пратеничката група на ВМРО-ДПМНЕ, Никола Мицевски.
Тој предупреди за итноста со која предложените законски измени, ќе треба да се изгласаат во Собранието.
– Оттука, наместо да слушаме нелогични оправдувања и изговори, бараме овие два предлог-закони кои што се влезени во Собрание, веднаш и уште денес да се стават на нова и итна пленарна седница. Доколку постои искрена желба, технички може да се направи тоа и веднаш да се закаже нова пленарна седница – додаде Мицевски.
