Српската национална авиокомпанија „Ер Србија“ објави дека од почетокот на годината реализирала 2.646 чартер летови, превезувајќи повеќе од 300.000 патници, што е најдобар резултат во чартер сообраќајот од 2013 година.
Во првите десет месеци од годинава „Ер Србија“, која работи под тоа име од 2013 година, извршила 11,7 отсто повеќе чартер летови отколку во текот на цела 2019 година, се наведува во соопштението.
Директорот за комерцијална и стратегија на „Ер Србија“, Бошко Рупиќ, потсети дека оваа година авионите на компанијата извршиле чартер летови до Турција, Египет, Грција, Тунис и Италија.
„Најпопуларната чартер дестинација беше Турција, па освен за Анталија, Бодрум и Даламан, првпат летавме и за Аланија, од Белград и Ниш“, рече тој.
Во текот на оваа година „Ер Србија“ имаше чартер летови од аеродромот „Никола Тесла“ во Белград и аеродромот „Константин Велики“ во Ниш. Во текот на сезоната на чартер, српската национална авиокомпанија леташе од Ниш до Аланија, Анталија и Хургада.
