Министерството за здравство информира, согласно податоците од Институтот за јавно здравје дека во последните 24 часа направени се 3.974 тестови, а регистрирани се 668 нови случаи на ковид-19.
Најмногу заболени има во Скопје (340), следува Битола со 43, како и Куманово и Струмица со по 33 новозаболени лица. Од вкупниот број на позитивни (668), регистрирани се 81 реинфекции, а регистрирани сe 887 оздравени пациенти.
Во текот на изминатите 24 часа, регистрирани се 7 смртни случаи од ковид-19, а кај сите се востановени коморбидитети.
Досега во земјата се направени вкупно 1.870.093 тестирања на КОВИД-19. Вкупната бројка на ковид-дијагностицирани лица во нашата земја од почетокот на епидемијата изнесува 293.328, бројот на оздравени пациенти е 276.835, на починати е 8.898, а бројот на активни случаи изнесува 7.595.
