Европската комисија објави дека утре Фон дер Лајен утре ќе се сретне со „северномакедонскиот претседател“ Стево Пендаровски и дека ќе се обрати пред „северномакедонскиот Парламент“, но подоцна, по бурните реакции на македонската јавност, твитот беше избришан, а објавена е нова најава.
Во нова објава од ЕК на Твитер стои дека Фон дер Лајен ќе се сретне со претседателот и премиерот на Северна Македонија и дека ќе се обрати пред Парламентот на Северна Македонија.
Првиот твит по само неколку минути беше избришан, поради реакција на македонското Министерство за надворешни работи, од каде што велат дека е направена ненамерна грешка.
„Министерството за надворешни работи, како и секогаш, реагираше веднаш штом забележа дека е употребена несоодветна придавка. Добивме уверување дека е направена ненамерна грешка, по што објавата беше веднаш избришана“, соопштија од МНР.
