Од денеска започнува поставувањето на заштитна звучна ограда на автопатот А2, делница Скопје -Тетово поради што ќе има времен режим на сообраќај, соопшти Авто мото сојузот.
Градежните работи ќе ги изведува „Битем“ од Скопје.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Фото: MIA
