Од денеска дискотеките во Скопје повторно ќе работат, соопшти Здружението на летни клубови – Скопје, кое се пофали дека нивните барања за спас на ноќниот живот во Скопје наишле на слух кај надлежните институции. Во заедничка координација најдено е решение и од денес младите ќе има каде да се забавуваат и социјализираат после полноќ.
– Изразуваме голема благодарност до медиумите, јавноста, градоначалничката на Скопје Данела Арсовска, Советот на Град Скопје, министерот Оливер Спасовски заедно со Секторот за внатрешни работи на Скопје и министерот за економија Крешник Бектеши кои придонесоа да добиеме дозволи за работа за 2022 година и ни овозможија како и во минатите 30 години да им понудиме на младите во Скопје ноќен живот после полноќ – се наведува во соопштението на Здружението на летни клубови – Скопје.
