Основниот суд во Приштина ги осуди на вкупно 62 години затвор обвинетите за силување на 11-годишно девојче.
„Обвинетите Б.Р, Д.Р, Б.С, М.С, Ф.С, М.Р се прогласени за виновни и осудени, бидејќи сториле кривично дело силување, па обвинетиот Б.Р. е осуден на затворска казна од дванаесет години, додека обвинетите Д.Р., Б.С., М.С., Ф.С и М.Р се осудени на по десет години, поединечно“, се вели во соопштението на судот.
Меѓу обвинетите има и тројца кои беа ослободени од обвиненијата. Случајот со силувањето на 11-годишно девојче во август минатата година ја шокираше јавноста во Косово. Тогаш биле пријавени пет лица осомничени за злоупотреба на деца.
Подоцна беше откриено дека девојката била силувана и во јуни 2022 година.
