Концертот на британскиот пејач Роби Вилијамс во Сиднеј се претворил во хорор. Додека публиката ги пеела хитовите на познатиот пејач, една од обожавателките се обидела да прескокне неколку редови за да биде што поблиску до Вилијамс.
Жената, која има 70 години, во моментов е во кома и се бори за живот откако паднала преку шест реда седишта за време на концерт.
По падот жената во критична состојба била префрлена во болницата „Сент Винсент“ бидејќи при падот се здобила со повреди на главата и лицето.
– Синоќа бевме на стадионот „Алијанц“. Бевме повикани поради 70-годишна жена која падна, а која имаше сериозни повреди на главата и лицето. Ја однесовме во болница во критична состојба – изјавил портпаролот.
Според извештаите, таа сакала да се искачи малку повисоко за да има подобар поглед, а потоа се лизнала, пренесува „Дејли мејл“.
