Објавена е аудиоснимка од повикот на диспечерот на Итната помош од домот на актерот Метју Пери во саботата вечерта, на барање на асистентот на актерот.
Драматичната снимка од 15 секунди открива што се случило пред светот да дознае за трагичната вест за смртта на холивудската ѕвезда.
Асистентот на Метју Пери се јавил на 911, откако го пронашол актерот во несвест во џакузито. Се претпоставува дека актерот се удавил во џакузито, поради срцев удар.
„Ситуација 23. Спасување 23. ЕМС 9 на радио. Како одговор на давење“, се слуша на снимката, пишува „Дејли мејл“.
Аудиоснимката е снимена во моментот кога лекарскиот тим пристигнал на имотот на познатиот актер и го пронашол во несвест. Наскоро била констатирана смрт на Метју Пери.
Деталите за видеото сега се објавени и во аудио форма:
Патологот од округот Лос Анџелес во неделата изјави дека причината за смртта сè уште е неутврдена, што значи дека заклучокот се одложува додека не пристигнат резултатите од токсиколошките тестови, што може да потрае со недели.
