Ниту едно од децата на поранешниот италијански премиер Силвио Берлускони нема да има целосна контрола врз неговата компанија „Фининвест“. Во тестаментот на контроверзниот политичар превидено е половината од компанијата, односно 53 отсто, да им припадната на Пјер Силвио и на Марина Берлускони, а останатите 47 отсто да ги поделат Барбара, Елеонора и Луиџи.
Берлускони му остави 100 милиони евра на својот брат Паоло, исто толку и на неговата девојка Марта Фасина, додека на советникот Марчело дел Утри му даде 30 милиони евра, објави агенцијата АНСА.
Покрај распределбата на имотот, италијанската агенција објави и порака која италијанскиот бизнисмен им ја оставил на своите деца.
„Ви благодарам и многу љубов до сите вас. Вашиот татко“, напишал Берлускони.
Одлуката за распределба на сопственоста на „Фининвест“ бизнисменот ја донел уште во 2006 година, кога го составил својот прв тестамент.
