Групацијата „Фолксваген Рус“ се ребрендира и ќе продолжи да работи под бредот AGR (Automotive Group).
По преименувањето, компанијата ќе продолжи да работи на рускиот пазар и ќе изврши целосно ребрендирање, пренесе Тас, соопштение на компанијата.
„Промената на името е првиот чекор во трансформацијата и рестартирањето на бизнисот по предавањето на имотот на новиот сопственик“, соопштуваат од компанијата.
Во мај оваа година, познатиот германски производител на автомобили ја заврши продажбата на своите руски средства на руската компанија „Авилон“.
Според информациите од руските медиуми стануваше збор за договорена цена од 125 милиони евра.
Локалните филијали на групацијата „Фолксваген Рус“ се: Фолксваген делови и услуги, Сканија лизинг, Сканија фајненс и Сканија Осигурување. руската компанија тогаш ја купи и фабрика за производство на автомобили во градот Калуга со целосно увозна инфраструктура, дистрибуција, магацини, финансиски услуги и вработени. Оваа фабрика има годишен капацитет од 225.000 возила и вработуваше повеќе од 4.000 луѓе.
„Фолксваген“ ја отвори таа фабрика во 2007 година, но производството таму беше прекинато во март 2022 година, по рускиот напад на Украина.
