Познат производител на автомобили ги известил овластените дистрибутери за технички проблем кој се појавил кај возилата кои се произведени оваа година.Станува збор за популарниот автомобил Fiat 500, а предупредувањето се однесува на возилата произведени од 4 април до 27 септември годинава.
Имено, проблемот е топчестиот спој помеѓу попречната контролна рака и пружината на суспензијата на предното тркало, која може да се откачи. Затоа сопствениците на возила треба итно да се обратат до продавачот од каде што го купиле автомобилот.
Проблемот со топчестиот спој, како што го толкува автомеханичарот, може да доведе до лабаво или непрецизно управување, како и тешкотии во контролирањето на автомобилот при поголеми брзини.
Инаку, овластен дистрибутер и претставник на познатиот италијански производител на автомобили во Хрватска е компанијата Autocommerce, која прва беше известена за можни проблеми со Fiat 500.
