Тело на маж е пронајдено утрово во септичка јама во областа Моста при Коменди, Словенија, а се претпоставува дека починал при отстранување на последиците од поплавите, откако паднал во отворена шахта. Пренесуваат словенечките медиуми.
Службениците на полициската управа во Љубљана изутрината добиле известување дека во септичка јама е пронајдено починато лице, јавува ТВ Словенија.
Според порталот Камник инфо, мажот наводно починал кога паднал во отворена шахта.
Според информациите, ова е четврта жртва од поплавите во Словенија – во неделата вечерта во Теменица бил пронајден давеник, во саботата бил однесен постар маж кој живеел на брегот на Сава во областа Томачево, а постара жена во областа Камник во петокот.
