Една нова меѓународна студија даде многу значајни информации за долгиот ковид, т.е. симптоми на оваа болест кои се јавуваат и по заздравувањето низ Америка, Азија и Европа.
Истражувачите од Универзитетот во Оксфорд собраа информации за пост-Ковид од 10 големи здравствени бази на податоци во седум земји, во кои има над 932 милиони луѓе, вклучително и над три милиони луѓе дијагностицирани со Ковид-19.
Тие открија дека пост-ковид симптомите наведени од Светската здравствена организација (СЗО) обично ги доживуваат оние кои се опоравиле од инфекцијата, а најчесто пријавени симптоми се болки во зглобовите, непријатност во стомакот, дигестивни проблеми, кашлица и анксиозност. Некои симптоми како грчеви во мускулите и когнитивна дисфункција се ретки, пишува Универзитетот Оксфорд.
Коавторот на студијата Џанкинг Кси рече дека специфичните симптоми варираат во различни здравствени поставки, но во споредба со општата популација, оние кои имале КОВИД имале 40 проценти поголема инциденца да развијат какви било пост-акутни симптоми.
„Значајно е што откривме дека фреквенцијата на овие симптоми генерално се зголемува со возраста, а жените ги имале овие симптоми почесто од мажите“, рече тој.
Овие наоди покажуваат дека Ковид е еден товар што многумина од нас сè уште го носат на рамениците и дека болеста не значи автоматски крај на здравствените проблеми.
„Ова е прва меѓународна студија која систематски ја проценува епидемиологијата на пост-Ковид симптомите користејќи ја дефиницијата на клинички случај на СЗО“, рече Ким Лопез-Гуел, првиот автор на студијата.
„Додека „Ковид-19“ продолжува да влијае на глобалното здравје, наодите од оваа студија даваат важен увид во долгорочните последици од вирусот и предизвиците што тој ги поставува за здравствените системи ширум светот, но исто така обезбедуваат вредни податоци за потенцијални решенија.
