Британскиот писател и актер Чарли Хигсон доби задача да напише нова приказна за Џејмс Бонд за да го прослави претстојното крунисување на кралот.
64-годишникот е автор на пет книги од серијата „Млад Бонд“, кои се напишани за помладите читатели и го гледаат Бонд како тинејџер на колеџот Итон пред да стане агент на МИ5.
„На тајната служба на неговото височество“ е нарачана од Иан Флеминг публикации и треба да биде објавена на 4 мај, пред крунисувањето на кралот на 6 мај.
Книгата доаѓа 60 години по објавувањето на десеттиот роман на креаторот на Џејмс Бонд, Иан Флеминг, „На услугата на нејзиното височество“, кој беше објавен во 1963 година. Новата приказна за 007 треба да го донесе Бонд во денешниот ден – сместена два дена пред крунисувањето, Бонд има задача да го спречи ексцентричниот Ателстан од Весекс, кој планира да му одржи лекција на Обединетото Кралство, да ја наруши церемонијата во последен момент.
Зборувајќи за романот, Хигсон рече: „Кога публикациите Иан Флеминг ми пријдоа пред нешто повеќе од еден месец со идејата да напишам приказна за Бонд за возрасни, бев воодушевен, сè додека не сфатив дека мора да биде подготвен за крунисувањето во мај“.
Тој рече дека размислувал да напише авантура за Бонд за возрасни уште од времето кога работел на книгите за младиот Бонд.
„Флеминг е познат по брзото пишување и јас ја канализирав таа енергија. И сега ми е толку возбудливо конечно да влезам во светот на возрасниот Бонд. Сè што сакате од приказната за Бонд е внатре, секс, насилство, автомобили, шарен негативец со непријатни следбеници и се разбира, самиот Бонд, толку добро познат, а сепак толку непознат“, рече Хигсон.
Сите хонорари од продажбата на романот ќе одат за поддршка на Националната фондација за писменост, која работи со училиштата и заедниците за да им овозможи на загрозените деца да се описменуваат.
Извршниот директор на Иан Флеминг Публикации, Корин Тарнер, рече дека „Крунисувањето на кралот Чарлс III е историска прилика за земјата“.
„Се запрашавме како ние во публикациите Иан Флеминг може да го прославиме ова, а одговорот изгледаше очигледен. Книгата на Иан Флеминг „За тајната служба на неговото височество“ првпат беше објавена на 1 април 1963 година. Што е подобар начин, 60 години подоцна, да се одбележи ова ново поглавје во историјата отколку со сосема нова приказна: „За тајната служба на неговото височество““. додаде таа.е.
„На тајната служба на неговото височество“ од 4 мај ќе биде достапна дигитално како е-книга, како аудио книга – прочитана од Чарли Хигсон – и во тврд повез, онлајн и во книжарниците.
