Нов земјотрес со јачина од пет степени според Рихтеровата скала ја погоди јужната турска провинција Хатај.
Турската агенција за управување со вонредни состојби (АФАД) соопшти дека епицентарот на земјотресот е регистриран во областа Дефне на длабочина од 9,76 километри.
Гувернерот на Хатај Рахми Доган за Анадолија изјави дека надлежните служби се на терен.
– Нема извештаи за поголеми последици, освен уривање на неколку згради кои веќе беа значително оштетени поради претходните земјотреси. Според првите информации нема повредени лица, ниту има затрупани под урнатините – изјави Доган.
