Нов голем пробив од речиси 20 километри во селата околу Херсон и долж западниот брег на реката Дњепар постигнаа украинските војници, отворајќи втор фронт. Успехот го потврдуваат руските официјални лица во Херсон. Пробивот е изненадувачки, јавува Ројтерс. Но, она што е загрижувачки е дека според Бери Ричард Мекафри, пензиониран американски генерал, вели дека Путин ќе употреби нуклеарно или хемиско оружје ако падне градот Херсон, пренесува Б92.
– Ако Херсон падне и Путин изгуби 15.000 од своите најдобри војници, тоа ќе биде политичка катастрофа што ќе ја дестабилизира земјата. Нема излез. Единствените алатки за ескалација ќе бидат тактичкото нуклеарно оружје или хемиското оружје. Катастрофа – рече МекКафри. , како што пренесуваат хрватските медиуми.
Мекафри, беше и деловен советник во кабинетот на американскиот претседател Бил Клинтон. Тој вели дека ако станува збор за хемиско оружје тоа може да биде испукано од авиони, но и од артилеријата.
– Тоа е лошо оружје против добро опремени и обучени војници. Тоа е страшно оружје на теророт против цивилите. САД и НАТО би преземале голема акција со конвенционално оружје против Русија – тврди тој.
Во меѓувреме Украинците се пробиваат напред. Шефот на администрацијата во окупираните делови на украинската провинција Херсон, инсталиран од Русија, потврди дека украинските војници зазеле голем број населби покрај реката, пробивајќи се до околината на селото Дудчани. Ова е изненадувачки напредок од околу 40 километри во еден ден.
– Информациите се напнати, ајде да се изразиме така, бидејќи, да, навистина имаше пробиви -изјави Владимир Салдо за руската државна телевизија.
– Постои населба наречена Дудчани, веднаш покрај реката Днепро, и токму таму, во тој регион, имаше (украински) пробив. Има населби кои се окупирани од украинските сили – рече тој.
Киев засега молчи за ситуацијата во Херсон.
На една од ретките слики кои очигледно го потврдуваат напредокот, Антон Герашченко, советник на Министерството за внатрешни работи на Украина, објави фотографија од украинските војници кои позираат со нивното знаме обвиткана златна статуа на ангел. Тој рече дека тоа е селото Михаиливка. Ова значи дека Украинците напредувале околу 20 километри.
Напредокот на југ се чини дека ги отсликува оние на исток, каде што украинските сили ненадејно и брзо зазедоа територија главно за да добијат контрола над клучните руски линии за снабдување.
Само неколку часа по концертот на Црвениот плоштад во Москва во петокот, каде што рускиот претседател Владимир Путин ги прогласи провинциите Доњецк, Луганск, Херсон и Запорожје за вечна руска територија, Украина го врати Лиман, главниот руски бастион на северот на провинцијата Доњецк.
Тоа им го отвора патот на Украинците да напредуваат длабоко во регионот Луганск.
Се смета дека Русија на југ има над 25.000 војници, но во моментот стигнувааат мобилизираните регрути. Михаил Дегтјарев, гувернер на областа Хабаровск на Далечниот Исток на Русија, денеска рече дека околу половина од повиканите мажи биле непогодни за должност и вратени дома. Поради оваа причина тој го отпушти воениот комесар на регионот.
