Со официјалното соопштение за медиумите, норвешката принцеза Марта Луиз потврди дека се свршила со американскиот шаман Дурек Верет, поради кој ја напушти и Норвешка, како и сите кралски должности.
Принцезата беше во брак со Ари Бен, кој се самоуби пред три години.
Норвешкото кралско семејство деновиве слави со добра причина – ќерката на кралот Харалд, принцезата Марта Луиз, се свршила со американскиот шаман Дурек Верет. Четвртата во наследството на норвешкиот трон веќе подолго време живее и работи со своето момче, духовен водач, во Лос Анџелес.
Среќната вест парот ја објави на Инстаграм, а принцезата го покажа и свршениот прстен со голем смарагд. Таа покрај тоа напишала:
„Пресреќна сум што можам да објавам дека сум свршена со шаманот Дурек, поради кој ми го прескокнува срцето, оној кој ме гледа мене и сите мои потенцијали, кој ме смее и со кого секогаш можам да бидам ранлива. Љубовта надминува и нè тера да растеме и јас сум многу среќна што продолжувам да растам со овој прекрасен човек. Благодарност до моите пријатели и семејството кои беа со нас.’
Во меѓувреме, нејзините родители, кралот Харалд и кралицата Соња, исто така, дадоа официјална кралска објава во која се вели: „Неговото височество Кралот и Нејзиното Височество Кралицата упатуваат најискрени честитки и им посакуваат сѐ најдобро во иднина“.
Педесет годишната принцеза има три ќерки – Мод Анџелика (18), Леа Исадора (16) и Ема Талула (13) – кои ги доби во поранешниот брак со починатиот писател Ари Бен, кој изврши самоубиство на Божиќ 2019 година.
ФОТО: Инстаграм
