Николина Пишек за 1,7 милиони евра ја продаде луксузната вила во Загреб која ја купи заедно со покојниот сопруг Видој Ристовиќ.
Луксузната вила сместена во загребскиот Шестин неодамна била ставена на продажба и само два дена по објавата на огласот, е продадена.
Куќата има 420 квадрати, отворен простор, а се состои од голем двор, кујна која има излез на базен, три спални соби и простор за персоналот. Дворот има 1460 квадрати.
Продажната цена била 13 милиони куни, односно 1,7 милиони евра.
„Уникатна куќа сместена во Шестин на мирна улица со прекрасен поглед и базен. Планирано е реновирањето да заврши во јануари. Опремена е со врвни материјали, алуминиумска столарија, греење со топлински пумпи, подно греење поставено во целата површина на куќата, „smart house“ систем, опремена за соларни панели, „terrazzo“ подни облоги по целата површина на куќата“, било наведено во огласот.
Николина и Видоје куќата ја купија минатата година откако водителката и нивната ќерка се затруја од јаглерод моноксид во својот стан во Загреб, а ненадејната смрт на Видоје им ги поремети сите планови.
Видоје почина ненадејно на 44. години. Беше српски историчар на уметноста, а живееше и работеше на релација Белград-Загреб. Тој од првиот брак ја има ќерката Матеа, а во декември 2014. година, Николина и Видоје ја добија ќерката Уна Софија.
