Бугарската влада нема причина да го смени ставот кон Северна Македонија, а очекуваме да си ги исполни обврките кон Европската унија, вели бугарскиот премиер Николај Денков во интервју за „24 часа“.
На прашањето дали Бугарија ќе ја промени позицијата кон Македонија, Денков нагласи дека нема никаква причина за тоа и нагласува дека разговорите сега се меѓу Северна Македонија и ЕУ.
– Категорично не и нема никаква причина да ја промениме позицијата. Со реализацијата на т.н француски предлог, како резултат на кој беше укинато ветото, разговорот, всушност, повеќе не е меѓу Бугарија и Северна Македонија, туку помеѓу Северна Македонија и ЕУ. Тоа што се очекува е да си ги исполнат обврските пред ЕУ. Нема никаква причина да ја смениме нашата позиција – истакна Денков.
