Кошаркарот на Црвена звезда и репрезентативец на Србија, Никола Калиниќ се чини дека ќе ја напушта Црвена звезда и кариерата ќе ја продолжи во Шпанија.
Деновиве се шпекулираше дека повратникот меѓу црвено-белите би можел да го напушти Мали Калемегдан по само една година. Се споменуваше Барселона, се споменуваше и Фенербахче. Сепак, на крајот, каталонскиот гигант, според сите проценки, ја доби битката.
Играчот и клубот се договорија, а Звезда ќе добие 100.000 евра колку што е излезната клаузула за српската репрезентација. Сепак, трансферот се уште не е комплетиран, бидејќи се доведува во прашање и Валенсија, поранешниот клуб на Калиниќ, кој има право на првенствено купување.
Сигурно е јасно дека Калиниќ нема да остане во клубот. А тоа со себе го носи и прашањето дали тренерот Дејан Радоњиќ ќе остане. Со оглед на тоа што барањето на трофејниот тренер беше засилување на клубот, а заминувањето на еден од најистакнатите играчи не е чекор во таа насока, можеби ова е најава за разделба со освојувачот на бројните трофеи.
Исто така, медиумите објавија дека клубот ќе ја искористи опцијата за продолжување на Ерон Вајт, кој не играше за Радоњиќ и не го гледа како опција.
