Никола Јокиќ со уште една историска партија го предводеше Денвер во победата над Бруклин Нетс со 124:101 пред својата публика. Српскиот кошаркар го заврши натпреварот со 26 поени, 15 скока и 10 асистенции за својот десетти трипл-дабл сезонава. Со ова постигнување Јокиќ стана првиот кошаркар во историјата на НБА кој постигнал најмалку десет трипл-дабл остварувања во седум последователни сезони. Тоа е вкупно негово 115 -то вакво постигнување во натпреварите од регуларната сезона во најсилната кошаркарска лига во светот.
Статистичарите ја наведуваат и следната информација: Јокиќ е само третиот играч во историјата на лигата кој постигнал десет трипл-дабл остварувања на првите 25 натпревари од сезоната. Расел Вестбрук го има направено тоа двапати (2016/17, 2020/21), а Оскар Робертсон (1960/61) беше првиот што го направи тоа. Робертсон имал 15 такви ефекти.
Во натпревар во кој гостите никогаш не беа во водство, кошаркарите на Денвер имаа +28 во текот на последната четвртина. Финалето го играа со играчи од клупата. Својот историски трипл-дабл Јокиќ го постигна за помалку од половина час на теренот.
